Pse LIBRA, pse ngjyrë e verdhë dhe pse katrori? Simbolika e partisë së Blushit

Deputeti, Ben Blushi, ka shpjeguar sot përpara qindra qytetarëve përse ka zgjedhur ngjyrën e verdhë në ikonën e forcës më të re politike në vend, “LIBRA”-s

Gjatë fjalës së tij në themelimin e parisë, Blushi tha se ngjyra e verdhë në ikonë përfaqëson mençurinë, optimizmin dhe inteligjencën.

“E verdha e “Libra”-s përfaqëson mençurinë  dhe optimizmin, ndaj një qeverie ku marrëzia sponsorizon pushtetin.  Përfaqëson inteligjencën, në një vend ku akademizmi shitet si mall konsumi. ”, tha Blushi

Më tej Blushi shpjegoi se e verdha e “Libras” do të qëndrojë në qendër të partive politike. Ai tha se “bluja” ka qeverisur për 25 vite dhe “mavija” për 3 vite, por Shqipëria është sërish e varfër e mjerë dhe e pashpresë. Ai tha se katrori në ikonën e “LIBRA”-s simbolizon hapjen e kësaj force politike ndaj çdo kujt që ka si kufi vetëm ligjin.