Pse na hidhen pacientët nga spitalet Covid? Flasin mjekët: Nuk mund t’ua lëmë fajin viktimave
Katër akte vetëvrasje në spitalet Covid, fatmirësisht e katërta mbeti në tentativë, kanë krijuar një alarm te qytetarët por jo vetëm, mbi shkaqet e një fenomeni të tillë.
Të ftuar në Rtv Ora, mjeku epidemiolog Ilir Alimehmeti dhe mjeku i Urgjencës Ilir Allkja dhanë këndvështrimet e tyre mbi këtë situatë.
Alimehmeti: Kemi nisur që në mars të trembim popullatën me logjikën që ky është një virus i tmerrshëm që në kokat e disave ky është kthyer që po të infektohesh është baras me shkon keq. Ndërkohë që e vërteta është se 94% e personave nuk vuan asgjë ose simptoma shumë të lehta. Pjesa tjetër mund të agravohet. Së dyti është thënë se ka probleme, është e ngarkuara situata dhe e gjitha kjo përgatit një terren. Më pas pacienti sëmuret, sikur vetëm ke bërë testin je i shqetësuar. Nëse bëheni dhe për spital nuk keni as suportin familjar, jeni vetëm në një ambjent të panjohur. Dhe në fund, të gjitha këto raste publikohen në media. Imitojnë raste që pasqyrohen në media.Është fenomen i njohur. Është një sëmundje që godet personat më të brishtë.
Allkja: Sistemi jonë shëndetësor ka shumë mangësi. Nuk mund të themi ajo që tha sot Ministrja që pacienti kishte gjithçka. Gjithçka nuk gjendet në spitalet e Amerikës dhe Gjermanisë sot. Dihet që spitalet tona kanë mangësi në stafe dhe në materiale mjekimi dhe gjithçka tjetër. Te ne ajo që cedon është mungesa e punonjësve socialë.Mungesë protokollesh po e po. Nuk mund t’ia lëmë fajin atij që merr aktin dëshpërues sublim.
Lajmi i një dite më parë për prodhimin e vaksinës që ofron 90% mbrojtje ndaj Covid na gëzoi të gjithëve por mjeku Alimehmeti na kthen edhe njëherë me këmbë në tokë.
Alimehmeti: Është e dhënë e ndërmjetme nuk është përfundimtare.
Por përkundër do rrethane, me rëndësi është të gëzojmë momentin dhe mbi të gjitha të ruajmë optimizimin.
Allkja: Këshilla ime për qytetarët është që të respektojnë masat e kujdesit dhe të gëzojnën jetën. Ky virus mund të na shoqërojë edhe gjatë 2021.
