Pse PR dhe PAA nuk janë te koalicioni me Berishën? Bylykbashi zbulon çfarë ka ndodhur

Deputeti i PD, Oerd Bylykbashi pjesë e grupimit të Berishës, ka folur për koalicionin opozitar “Bashkë Fitojmë”. Ai u pyet pse PR dhe PAA nuk iu bashkua koalicionit të opozitës. I ftuar në “Opinion”, Bylykbashi nuk dha një përgjigje të qartë pse ka refuzuar Fatmir Mediu dhe Agron Duka të jenë pjesë e koalicionit të opozitës, duke thënë se ftesa ka qenë e hapur për të gjitha partitë.

Pse nuk arritët të bindnit PR dhe PAA që ti bashkohej koalicionit?

Së pari gjithsekush e kishte ftesën të hapur që të na bashkohej. Agresioni për të bërë të pamundur regjistrimin e P në zgjedhje ka qenë i jashtëzakonshëm. Me këtë koalicion askush nuk ka çfarë thotë. Ne shmangëm atë që kishte qëllim Rama, të mbante peng nëpërmjet atyre që janë penga dhe të mbante të bllokuar PD.

I kërkuat që t’iu bashkohej dhe nuk deshën?

Nuk ka rëndësi kjo. Rëndësi ka që shmangëm atë që donte Rama, mos regjistrimin e PD në zgjedhje.