Punëtori bie nga vinçi në uzinën e Kurumit, rëndë në spital

Një 62-vjeçar, punëtor në Uzinën e Kurumit në Elbasan, ka rënë nga lartësia e një vinçi dhe ndodhet në gjendje të rëndë shëndetësore. Policia e Elbasanit, sqaron se Naim Derstila ka prerë njërën këmbë. Ngjarja ka ndodhur pasditen e sotme. 62 vjeçari është dërguar me urgjencë në drejtim të Spitalit të Traumës në Tiranë. Grupi hetimor ndodhet në vendngjarje dhe po punon për sqarimin dhe dokumentimin e ngjarjes.