Qëllohet me armë zjarri, plagoset 63 vjeçari nga Kurbini

Një 63 vjeçar nga Kurbini ka mbetur i plagosur rëndë pasi është qëlluar me armë zjarri nga disa persona të paidentifikuar. N.K është dërguar menjëherë në spital ku është nën kujdesin e mjekëve, ndërkohë që gjendja e tij mbetet ende kritike.

Ndërkohë që policia po vijon punë  për zbardhjen e plotë të ngjarjes si dhe identifikimin dhe kapjen e autorëve.

Njoftimi i policisë:

Me datë 17.08.2017,  është njoftuar Salla e Komandimit Kurbin, se në urgjencën e spitalit Laç, është dërguar i plagosur me armë zjarri  një shtetas.

Menjëherë është formuar grupi hetimor për zbardhjen e ngjarjes, ku nga hetimet paraprake ka rezultuar, se  i plagosur ka mbetur shtetasi N.K. 63 vjeç, banues në Kurbin, i cili ndodhet  nën kujdesin e mjekëve.

Grupi hetimor në bashkëpunim me Prokurorinë e Rrethit Gjyqësor Kurbin, po vazhdojnë hetimet për sqarimin e plotë të rrethanave të ngjarjes dhe identifikimin e autorëve.