Qeveria dorëzon në Kuvend kandidaturat për kryetar dhe tre anëtarë të KPP-së

Këshilli i Ministrave i ka dërguar Kuvendit kandidaturat për kryetarin dhe 3 anëtarë të Prokurimit Publik. Mandatet e tyre kanë përfunduar në fund të qershorit. Komisioni i Prokurimit Publik është organ kolegjial me pesë anëtarë: një kryetar, një nënkryetar dhe tre anëtarë, të cilët emërohen nga Kuvendi me propozim të Këshillit të Ministrave për një mandat 5-vjeçar, me të drejtë rizgjedhjeje vetëm një herë.

PROPOZIMIN KUVENDIT TË REPUBLIKËS SË SHQIPËRISË TË KANDIDATËVE PËR KRYETAR DHE TRE ANËTARË TË KOMISIONIT TË PROKURIMIT PUBLIK

Në mbështetje të nenit 100 të Kushtetutës dhe të nenit 25, të ligjit nr.162/2020, “Për prokurimin publik”, të ndryshuar, me propozimin e Kryeministrit, Këshilli i Ministrave

V E N D O S I:

1. Propozimin Kuvendit të Republikës së Shqipërisë të listës së kandidatëve të kualifikuar për kryetar dhe për 3 (tre) anëtarë të Komisionit të Prokurimit Publik, sipas renditjes në aneksin 1, që i bashkëlidhet këtij vendimi.

2. Dërgimin Kuvendit të Republikës së Shqipërisë edhe të listës së kandidatëve të skualifikuar, sipas aneksit 2, që i bashkëlidhet këtij vendimi.

Ky vendim hyn në fuqi menjëherë.