Qeveria: Ilaçe dhe karburant falas, mësues ndihmës për nxënësit

Qeveria thotë se përveç strehimit dhe ushqimit falas, të gjithë të prekurve nga tërmeti do t’u garantohet marrja e mjekimeve për çdo sëmundje gratis. Gjithashtu në hotelet ku janë akomoduar të dëmtuarit, do të ketë mësues ndihmës shtesë, që do të asistojnë fëmijët në vazhdimin e shkollës. Ndërkohë, të gjithë personave që do t’u duhet të shkojnë në punë, shteti do të paguajë karburantin për lëvizjet me makinë.