Qeveria Rama 4? Juristi Spahiu: Veç 3 ministra nuk mund të ikin

Si do të jetë qeveria Rama 4? Në një kohë që nuk ka asnjë sinjal nga selia e PS-së, juristi Kreshnik Spahiu thotë se kryeministri Edi Rama pritet të ndryshojë të paktën 90% të kabinetit të tij qeveritar dhe veç 3 ministra mund të shpëtojnë dhe të ruajnë portofolet e tyre. Për të Rama do të zgjedhë ministra teknokratë, për të arritur synimin e integrimit në BE.

”Unë mendoj se do bëjë një qeveri teknokratësh, edhe në kuadër të integrimit në BE, të jenë njerëz të asociueshëm dhe ekselentë me kontaktin ndërkombëtar në BE, me qëllim integrimin. Ai nuk ka më problem votash.

Nuk mendoj se do ketë më shumë se 2 persona nga qeveria aktuale në kabinet, sepse i ka në Parlament. Ai ecën me parimin e rifreskimit të kabinetit. Mendoj se Balluku dhe Gonxhe mund të vazhdojnë, si dhe Spiropali, ata besoj se janë më të sigurtit aty, për të tjerët mendoj se do lëvizin”.