Qytetarët dynden drejt Rinasit, radhë të shumta për të hipur në avion

Tërmetet e rëna në Shqipëri prej 26 nëntorit po sjellin pasoja të shumta. Përveç marrjes së 51 jetëve dhe qindra të tjerëve që kanë mbetur të plagosur, mijëra banorë janë në ankth dhe panik.

Por shumë të tjerë kanë frikë të jetojnë në Shqipëri dhe kanë zgjedhur të largohen. Qindra njerëz sot janë dyndur në aeroportin Nënë Tereza në Rinas.

Siç shihet të gjithë qytetarët po largohen nga vendi, pasi prej ditësh mijëra njerëz kanë lënë banesat e tyre në Tiranë e Durrës dhe po jetojnë në qytete të tjera në Jug e në Veri të Shqipërisë.