Qytetarët e pa strehë, 3 mijë vizita dhe trajtime mjekësore

Më shumë se 3 mijë vizita dhe trajtime mjekësore janë kryer nga ekipet e posaçme mjekësore për qytetarët e mbetur pa strehë si pasojë e tërmetit, në kampet e emergjencës dhe hotele ku janë sistemuar përkohësisht. Ministrja e Shëndetësisë dhe Mbrojtjes Sociale, Ogerta Manastirliu bëri të ditur se në në Shijak, ekipe mjekësore të zonës si dhe mjekë familje të ardhur nga Tirana dhe Durrësi po mbulojnë shërbimin shëndetësor dhe vaksinimin në kampin e emergjencës. Ajo tha se shëndetësia po qëndron në gatishmëri veçanërisht në këto ditë të vështira që po kalon vendi ynë.