Qytetarët kapin një hajdut në autobuz

Një hajdut xhepash u kap në autobusin e Unazës së Tiranës nga policia, por vetëm pasi vetë qytetarët e kishin bllokuar atë. Ngjarja ndodhi të mërkurën. Njëri nga pasagjerët e kishte diktuar se ai po i vidhte portofolin dhe kishte kërkuar ndihmën e pasagjerëve të tjerë për ta kapur. Lajmi, i shoqëruar me foton e momentit të arrestimit të hajdutit, u publikua nga “Harta dixhitale e aksidenteve rrugore”, një faqe aktive në Facebook, që jep këshilla mbi respektimin e rregullave të qarkullimit rrugor apo statistika dhe të dhëna të tjera mbi aksidentet.