Bajpasi i Shëngjinit, Rama: Investim kyç për turizmin në veri, lidh Ranën e Hedhun me Velipojën (FOTO)

Kryeministri Edi Rama ka deklaruar se ndërtimi i bypass-it të Shëngjinit përbën një nga investimet më të rëndësishme infrastrukturore për zhvillimin e turizmit në veri të vendit.

Rama ka ndarë pamjet nga punimet në këtë rrugë dhe shkruan:

“Bypass-i i Shëngjinit është një nga investimet më të rëndësishme infrastrukturore për turizmin në veri.
Ky aks do të shmangë trafikun në qendër të qytetit dhe do të përmirësojë ndjeshëm qarkullimin gjatë sezonit veror, duke lidhur Shëngjinin me Ranën e Hedhun dhe më tej me Velipojën.
I ndërtuar përgjatë malit të Rrencit, bypass-i do të shërbejë edhe si një rrugë panoramike që rrit atraktivitetin turistik të zonës.
Punimet pritet të përfundojnë në shkurt 2027.”