Rama dhe Paloka në Lusaka të Zambias takojnë Norbert Lammert
Një delegacion i Kuvendit të Shqipërisë mori pjesë në Unionin Ndërparlamentar në Lusaka të Zambias.
Delegacioni i Kuvendit të Shqipërisë përbëhet nga deputetët,Luan Rama, Edi Paloka dhe Tahir Muhedini.Gjatë punimeve të Unionit Ndërparlamentar, deputetët Luan Rama dhe Edi Paloka zhvilluan një takim me Presidentin e Bundestagut gjerman, Norbert Lammert.
Gjatë bashkëbisedimit, deputeti i Lëvizjes Socialiste për Integrim,Luan Rama theksoi rëndësinë e bashkëpunimit midis dy parlamenteve.
“Bashkëpunimi mes dy parlamenteve është shumë i rëndësishëm”, tha Rama.Nga ana e Tij, z. Lammert njoftoi për vizitën në Shqipëri në fund të muajit prill. “Në fund të muajit prill do të jem në Shqipëri dhe do të përshëndes parlamentin tuaj”, tha Lammert.