Kryeministri Edi Rama dhe kryeministri britanik Keir Starmer kanë mbajtur një konferencë të përbashkët për shtyp, pas takimit që zhvilluan “kokë më kokë” në Kryeministri.
Rama në fjalën e tij ka folur mbi masat e ndërmarra të qeverisë shqiptare dhe britanike për parandaluar trafikun e paligjshëm.
“Jemi shumë krenar për punën që kemi bërë, shifrat janë mbresëlënëse, përfitoj nga rasti i pranisë tuaj dhe të dërguarve të medias britanike për të theksuar se referimi në shifrat e këtij bashkëpunimi të suksessshëm është gjëja e duhur për publikun britanik, jo kultivimi dhe miti se shqiptarët janë problem për Britaninë, pasi të gjitha shifrat flasin në vitin 2024, numri i shqiptarëve që kanë hyrë apo tentuar të hyjnë në mënyrë të paligjshme në Britani është disa qindra. Pra, ky miti se shqiptarët janë problem për Britaninë nuk është i vërtetë, edhe pse kjo gënjeshtër ka marrë statusin e së vërtetës. Nga ana tjetër dua të theksoj një shifër, se kur thuhet 1 në 50 shqiptarë janë në burg, ndërkohë është 10 fish më e ulët”, tha Rama.
Ndërsa kryeministri britanik uroi Ramën për fitoren më 11 maj dhe tha:
Gjë e madhe që ndodhem këtu për të hapur një kapitull të fortë në marrëdhëniet mes dy vendet tona. Është një mundësi gjithashtu për të parë si po bashkëveprojnë dy vendet tona, siç ishte takimi i sotëm në Portin e Durrësit. Kufijtë e sigurt të vendit tona janë kryesore për planin e ndryshimit.
Është ulur numri i gomoneve dhe ky është një shembull i qartë e asaj që mund të bëjmë nëse dy vendet tona punojnë bashkë”- deklaroi shefi i qeverisë britanike.