Rama: Hipoteka si zonë interesash, një qytetar nuk e ka të lehtë që të marrë certifikatën e pronësisë

Gjatë ”Turit të Mirënjohjes” në Tiranë, kryeministri Edi Rama ndër të tjera tha se Hipoteka është trajtuar si një vend ku të fuqishmit e kësaj partie punësojnë njerëz. Rama shtoi se ka shumë njerëz që i kanë besuar votën PS, por që nuk trajtohen si njerëz tek Kadastra.

“Jemi një vend që akoma nuk ka një stabilitet në çështjen e pronës dhe këtu nuk flas për probleme dhe konflikte të pronësisë. Këtu flas për faktin që sot një shqiptar i zakonshëm akoma nuk e ka të lehtë 100 % që të marrë nga hipoteka certifikatën e pronësisë, që e ka atje, që ta nxjerrë se i duhet. Nuk e ka. Mund ta marrin, mund edhe mos ta marrin”, tha Rama.