Rama kërkon takim me ambasadorët e BE

Ka përfunduar mbledhja e kryesisë së Partisë Socialiste, e cila u mbajt në selinë rozë. Nga të dhënat e para mësohet se kryeministri Edi Rama ka kërkuar takim me ambasadoret e Bashkimit Evropian sot në orën 11:00.

Kjo lëvizje e shefit të qeverisë vjen menjëherë pas vendimit të presidenti të Republikës, i cili firmos “live” para kamerave shtyrjen e datës së zgjedhjeve lokale në vend.

Kreu i shtetit argumentoi të gjitha arsyet ligjore, të cilat sipas tij e përligjin veprimin e tij bazuar në parashikimet kushtetuese. Ai theksoi se mungesa e dialogut dhe përplasjet mes palëve, ishin arsyet madhore që e detyruan atë të ndërmarrë këtë veprim, me qëllim që të shmangej një përplasje e mundshme civile.