Rama: 12 mijë nxënës përfshihen këtë vit në ekipet sportive të shkollave

Mbi 12 mijë nxënës do të përfshihen këtë vit në ekipet sportive të shkollave. Këtë fakt e ka bërë të ditur Kryeministri Edi Rama përmes një postimi në rrjetet sociale.

“Programi Kombëtar i Ekipeve Sportive në Shkolla!
Çdo shkollë e re në Shqipëri ofron terrene sportive dhe palestra moderne.
Këto investime kanë ndikim të drejtpërdrejtë në rritjen e numrit të nxënësve që do të marrin pjesë në Program, ku vetëm këtë vit do të përfshihen rreth 12 mijë nxënës përmes disiplinave të ndryshme sportive”, shkruan Rama.