Rama: Me Serbinë fituam pikët e arta të nderit kombëtar

Shqipëria humbi betejën në fushë, me Serbinë, në ndeshjen e luajtur të enjten në “Elbasan Arena”, por fitoi tri pikë të arta si vend dhe si popull.

Ky ishte mesazhi i përcjellë nga kryeministri Edi Rama në konferencën për mediet këtë të premte, ku gjati rastn të falënderoi të gjithë tifozët për sjelljen shembullore të treguar në shkallët e stadiumit dhe jashtë tij.

“Humbëm në fushën e lojës, por jashtë fushës së lojës i kemi befasuar të gjithë të tjerët me nivelin e lartë të dinjitetit dhe qytetarisë, madje kemi befasuar edhe kundërshtarët. Nëse në fushën e lojës nuk arritëm të mbajmë dot pikën e artë që me gjasa na çonte në Francë, mbajtja e lartë e nivelit të kulturës sportive i ka dhënë tri pikë të arta Shqipërisë si vend dhe shqiptarëve si popull”, tha Rama.

Kryeministri shtoi se ky mesazh nuk duhet marrë si ngushëllim për humbjen në fushën e lojës, por vijoi se nëse tifozët kuqezinj do të kishin rënë në batakun e skenareve të dhunës vendi do të humbte shumë më shumë. Pas humbjes Shqipërisë i duhet të fitojë këtë të djelë në Armeni, që të presë direkt një biletë për në Francë 2016, ndryshe do të luajë në zonën “play-off”, çka do të thotë se suksesi është arritur dhe nëse ndeshja me Serbinë do të kishte incidente, pasojat mund të ishin më të rënda.