Rama: Nga sot nis aplikimi në e-Albania për mbështetjen financiare 30 mijë lekë për çdo hektar tokë të mbjellë

Kryeministri Edi Rama, nëpërmjet një njoftimi në Facebook ka bërë me dije se nga sot nisin aplikimet për të gjithë fermerët shqiptarë që kultivojnë grurin në tokat e tyre, për mbështetje financiare nga qeveria me 30.000 lekë për çdo hektarë të mbjellë.

Postimi i Edi Ramës

Nisin sot aplikimet për të gjithë fermerët shqiptarë që kultivojnë grurin në tokat e tyre, për mbështetjen financiare nga qeveria me 30.000 lekë për çdo hektarë të mbjellë

Deri më datë 23 shtator aplikimet do të kryhen online në e-Albania, dhe përfitues do të jenë si fermerët individualë, ashtu edhe Shoqata të Bashkëpunimit Bujqësor, si dhe persona fizik ose juridik

Aplikantët mund të asistohen nëpërmjet numrit jeshil 08008383, nga specialistët e Agropika-ve dhe Agjencive Rajonale të Ekstensionit Bujqësor në territor.