Rama për kryeprokurorin e SPAK: Altin Dumani, burrë i ndershëm me integritet

Kryeministri Edi Rama ka ritheksuar edhe njëherë ditën e sotme se Porkuroria e Posaçme dhe prokurorët kanë mbështetjen e tij.

Në një komunikim me qytetarët në rrjetet sociale, Rama tha se ishte Partia Socialiste që “ia dha shpatën” Altin Dumanit që të thirreshin para prokurorisë njerëz me pushtet si kurrë më parë.

“Altin Dumani është një burrë i ndershëm prej shumë vitesh. E kishe dëgjuar më parë? Kishte thirr ndonjë njeri në pushtet ti thoshte hajde këtu? Kishte parë njerëz në pushtet të kalonin para prokurorisë me kamera si në festivalin e kanës.

Nga hëna erdhi ky Altin Dumani? Një prokuror me vite të tëra, por nuk kishte shpatën sepse shpata ishte në këtë zyrën këtu.

Bufi futi në burg kundërshtarin e tij politik përmes një drejtësie kukull dhe me shpatën që kishte këtu. Unë atë shpatën e mora dhe ia dorëzova drejtësisë. Meqë Altin Dumanit nuk i kanë lënë rob shptëpie pa i thënë për turpin e tyre, ka gjithë solidaritetin tonë”, u shpreh Rama.