Rama: Ne kemi turizëm nga janari deri në dhjetor

Edi Rama që herët sot flet për zhvillimin e ekonomisë. Kryeministri Edi Rama i është përgjigjur sot sërish qytetarëve në komentet në rrjetet sociale, ku një ndër pikat e prekura është turizmi.

“Ka pasur shumë pyetje për turizmin. Këtu kam raportin nga Këshilli Botëror i Turizmit dhe Udhëtimeve, institucion i pavarur. Në Shqipëri pesha e turizmi për 2024 është 26 për qind e prodhimit të përgjithshëm kombëtar, punësimi 21.8 për qind e totalit. Kemi 278 mijë të të punësuar në këtë sektor. Ne kemi turizëm që nga janari deri në dhjetor. Tentohet ta pikturojnë Shqipërinë si Somali. Është një industri e krijuar në “Somalinë” tonë, industri që sjell 4.5 miliardë ardhura nga ata që vijnë këtu nga jashtë. Thënë të gjitha këto, të gjitha këto thonë i merr për vete. Posi i marr për vete që ju marsha të keqen të gjithëve?!”, tha ai.

Më tej, në lidhjen e tij live në Facebook, Rama i ka bërë thirrje sot diasporës për t’u regjistruar për zgjedhjet e 11 majit.

“Dje qeveria ka vendosur që të gjithë ata që kanë pasaporta që u ka kaluar afati mund të votojnë, pavarësisht afatit të skadencës, janë votues në 11 maj nëse do të regjistrohen”, tha Kryeministri.

Në lidhjen e tij me komentuesit, Rama ka bërë batuta edhe në lidhje me ish kreun e PD, Lulzim Basha, të cilin e quajti “ëmbëlsirë”.

“Do t’i bësh një tortë në Tiranë shqiptarëve që të duan?”, pyet një nga qytetarët.

“Lul Bashën kemi pasur omëlsinë, ndaj jo rastësisht tortën e bëri Lul Basha. Nga të gjitha ato që tha vetëm një tortë ka bërë. O Lul ku je se sa herë më kujtojnë ty kam një nostalgji një përvëlim”, përgjigjet Rama.

(Për me tepër shiko videon)