Rama: Shpallim vitin 2024, vitin e Gjuhës Shqipe!

Në Ditën Ndërkombëtare të Arsimit, Kryeministri Edi Rama ka bërë me dije se viti 2024 shpallet viti i Gjuhës Shqipe.

Rama ka publikuar një video të Ministres së Arsimit dhe Sportit, Ogerta Manastirliu, e cila shprehet se për qeverinë, investimi në arsim, mbetet prioritet.

“Sot është Dita Ndërkombëtare e Arsimit! Një ditë, e cila drejton vëmendjen tek rëndësia e edukimit si ura që përçon vlerat që bashkojnë kombet, që ushqen paqen dhe progresin mes vendeve. bInvestimi në arsim mbetet prioritet mbi prioritetet. Përmes arsimit, mundemi të rrisim zhvillimin ekonomik dhe social të vendit, të nxisim inovacionin dhe të mbështesim më tej kohezionin social. Arsimi qëndron në themel të progresit dhe në shkollat tona ne kemi të gjithë potencialin e duhur për të çuar vendin tonë përpara”, thotë në fjalën e saj Ministrja Manastirliu.