Rama: S’merrem me kufomat ”non-grata” dhe me dordolecët. Nesër vendosim në qeveri Konsultimin Kombëtar me shqiptarët

Kryeministri Edi Rama nuk ka nguruar që të komentojë situatën në PD dhe luftën mes Sali Berishës dhe Lulzim Bashës. Për kreun e qeverisë, PD-ja ka hyrë në një vorbull marrëzie bravash. ”S’kam ndërmend të merrem me kufomat ”non-grata” dhe as me dordolecët”. Po ashtu Rama ka bërë me dije se nesër në qeveri do të vendoset konsultimi i madh Kombëtar me shqiptarët për vendime të rëndësishme të vitit.

Qëndrimi i kryeministrit Edi Rama

S’kam ndërmend të merrem as me kufomat grata nongrata as me dordolecët e papagallët grata e vinci (gërvisht e fito) që kanë hyrë në një vorbull marrëzie qesharake bravash, dyersh, kanalesh e portalesh, kinse po duan kush e kush të luftojë më fort regjimin, korrupsionin, vuqiqin!

Jam i inkurajuar që drejtësia e re po jep sinjale të qarta pa dallim ngjyrash, ekonomia po vijon ringjitjen pas pandemisë, sporteleve po u vjen fundi bashkë me vitin në ikje dhe më e mira është e gjitha përpara, duan s’duan humbësit fitimtarë të kuvendeve demokratike e mediatike!

Nesër vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin, jashtë llogoreve të ngushta partiake e llogjeve të mëdha provinciale! Ata s’kanë ç’humbin më ne s’kemi kohë për të humbur!

Nesër vendosim në qeveri Konsultimin e madh Kombëtar me shqiptarët për vendime të rëndësishme të vitit që po vjen dhe le ta dëgjojmë sa më shumë njëri-tjetrin,jashtë llogoreve të ngushta partiake e llogjeve të mëdha provinciale!Ata s'kanë ç'humbin më ne s'kemi kohë për të humbur!

— Edi Rama (@ediramaal) December 22, 2021