Rastet e reja në Kamëz, u infektuan në një ceremoni mortore. Ja sa pacientë aktivë kemi sipas zonave

Nderkohe qe dita e sotme ka numëruar 15 raste të reja me koronavirus në vend dhe rekord shënon Tirana, dy rastet e reja në Kamëz janë infektuar në një ceremoni mortore.

“Dy rastet pozitive në Bashkinë Kamëz janë identifikuar gjatë një ceremonie mortore, ndaj edhe një herë Ministria e Shëndetësisë dhe Mbrojtjes Sociale u rikujton qytetarëve se funeralet përtej rretheve familjare të ngushta, nuk jane të lejuara, pasi janë rrezik për shpërndarjen e infeksionit”- beri te ditur sot Ministria e Shendetesise, gjate deklarates per te dhenat e fundit te situates se koronavirusit ne vend.

MSH, kujtoi se “vijojnë të jenë të ndaluara çdo lloj aktiviteteti me grumbullime masive njerëzish, ndaj lutemi për respektim të masave që janë në fuqi”.

Nderkohe në vendin tonë janë 269 persona aktivë me COVID19, ku në Tiranë janë rreth 69 % e të prekurve, kurse pjesa tjetër janë kryesisht në Durrës, Shkodër, Kamëz, Krujë.

Shpërndarja gjeografike e rasteve aktive është si vijon:
Tiranë 185
Krujë 22
Kamëz 14
Shkodër 14
Durrës 12
Mat 9
Lushnje 6
Berat 2
Fier 2
Korçë 1
Librazhd 1
Mallakastër 1