Rasti i parë në Poliçan, futen në karantinë 30 punonjës

Edhe pse pushteti vendor kishte masa ekstreme, në Poliçan është regjistruar i prekuri i parë. Bëhet fjalë për shtetasin A.L 79 vjeç, i cili ka rezultuar pozitiv duke e futur kështu dhe bashkinë e Poliçanit në hartën e kuqe.

Nga ana tjetër, mësohet se 79 vjeçari është infektuar nga djali i tij 30 vjeçar, i cili kohët e fundit ishte kthyer nga Greqia dhe gjate periudhës së karantinimit nuk ka shfaqur shenjat e kontaminimit. Ndërsa prej dy ditësh ai kishte kolle të thatë, temperature edhe dhimbje te muskujve. Ndaj dhe 30 punonjësit e qendrës shëndetësore të Poliçanit janë futur në karantinë pasi 79 vjecari shkonte thuajse çdo dite në qendrën shëndetësore.

Kryebashkiaku i Poliçanit duke i uruar shërim të shpejtë të infektuarit, u shpreh se policia nuk duhet ta largonte postbllokun e vendosur në hyrje të qytetit, nga i cili do behej filtrimi i qytetareve qe vinin nga Italia, Greqia, Tirana dhe qytete te tjera.