Analisti Redi Shehu thotë se kryetari i Partisë Demokratike, Sali Berisha, ka qenë i pari që e ka bërë “opozitën të sillet si opozitë”. Sipas Shehut, sinjalet për këtë qasje kanë qenë të dukshme më herët nga vetë opozita. Ai thekson se që nga viti 2021, Berisha ka folur vazhdimisht për nevojën e modernizimit të PD-së, ndërkohë që vetë vijon të mbetet në krye të saj.
”T’i nuk mundesh të vish në qeveri nëse nuk ndërton një pushtet që të jetë përballë partisë që drejton. Ku e kemi ne llogaridhënien në këtë statut? Kjo është në vënie në skenë e cila na jep përshtypje që ndryshohet herë pas here, thjesht ndërrohen disa emra, por mentaliteti është i njëjtë, esenca është e njëjtë.
Sot mezi i bëjnë 40 mijë anëtarë. Ka një problem midis idesë së popullit opozitar dhe demokrat. Që këta të bashkohen bashkë në masën opozitare, që përkthehet më pas në fitore. Këtu nëse kanë konsensus për humbje dhe fitore kanë një konsensus të përbashkët.
Kjo gjë nuk ka ndodhur, ka pasur raste që i kam pasur përballë edhe Berishën. Unë dihet që jam i djathtë, Berisha ka bërë i pari opozitën opozitë në 2021, me foltoren dhe me vepra, ajo që është më e rendë është që më 8 janar ka bërë opozitën e opozitës”,-tha Shehu.