Referendumet, nisma e Dashamir Shehit për një ligj të ri: Nga 50 mijë, propozojnë 10 mijë firma

Kreu i LZHK-së, Dashamir Shehi do të depozitojë në Parlament një projekt ligj të ri për referendumet. Kjo nismë e re synon që të lehtësojë procedurat që lejojnë qytetarët të kërkojnë mbajtjen e një referendum, duke reduktuar numrin e 50 mijë firmave që duhen paraqitur pranë autoriteteve.

“Për sa i përket numrit të votuesve për një vend të vogël si Shqipëria, kemi vënë 10 mijë firma”. Shehi tregon përse ka zgjedhur që ta propozojë në këtë periudhë projektligjin.

”Kjo është një periudhë e cila është jashtë procesit zgjedhor. PS, qoftë edhe për imazh publik, ka interes që ta kalojë. Po të ishte një ligj për PPP-të, qamet se do e votonin”.