Reforma Territoriale/ Ministri Mazniku: Mund të ndërhyhet sërish, po rishikohen planet ekonomike të bashkive

Qeveria mund të ndërhyjë sërish në reformën territoriale të miratuar që prej vitit 2014. Lajmin e bëri të ditur ministri i Shtetit për Pushtetin Vendor, Arbjan Mazniku në emisionin A2 Business.

“Janë rreth 45-46 bashki të vendit në ditët vijim do takojmë dhe bashkitë e tjera. Ky është takim me vlerë ku kuptojmë problematikat që kanë”.

Përtej problematikave të evidentuara, ministri Mazniku e konsideroi këtë reformë një sukses të jashtëzakonshëm. Nga puna e kryer deri më tani në terren ministri tha se po bëhet një evidentim i bashkive të cilat kanë një plan të qartë ekonomik.

“Në këndvështrim financiar reforma ka qenë një sukses i jashtëzakonshëm. Dhe reforma ka ndikuar në një situatë më të shëndetshme për bashkitë”.