Refuzoi të ishte kandidat i PS në Vlorë, deputeti Hyseni: Ramës i thash…

Deputeti aktual i PS-së, Alket Hyseni refuzoi rikandidimin si deputet në qarkun e Vlorës pasi u rendit i 11-ti në listë. Ishte kjo arsye që ai refuzoi kandidimin. I pyetur për këtë në ”Real Story”, ai theksoi se PS ka zgjedhur një skuadër fituese në zgjedhjet e ardhshme dhe pjesa tjetër do të jetë mbështetëse e kësaj skuadre.

Nga ana tjetër, Hyseni nënvizoi se PS-ja për të është si një familje e dytë dhe u shpreh falënderuese ndaj kësaj partie që sipas tij i ka hapur shumë dyer.

“PS është histori për Shqipërinë, është e tashmja dhe e ardhmja, ka larguar prej vitesh elementë të tillë. Edhe pse ka brenda debate, ngjyra, PS-ja është forca më demokratike. Kur them për debat them për debatin që ka prodhuar PS ndër vite, edhe brenda radhëve PS ka debat. Të jesh deputet në Vlorë është e treta privilegj. Nuk është çështje pranimi, e kam falënderuar kryeministrin, i kam kërkuar ta jap kontributin tim ashtu siç e kam dhënë para 2017. Historiku im në PS nuk nisi si deputet dhe s’do të mbarojë si deputet. Familja ime është PS, jam rritur atje”.