Rekord historik.Shqiperia lë pas Francën, renditet 22-ta në Botë

Edhe kjo ndodhi. FIFA publikoi sot renditjen e ekipeve për muajin gusht. Shqiperia arrin një rekord historik duke u pozicionuar në vendin e 22-të. Në krahasim me renditjen e muajit të kaluar, kombëtarja kuqezi ka ngjitur 14 vende duke lënë pas edhe Francën. Ky është pozicioni më i mirë që vendi ynë ka pasur ndonjëherë në renditjen e FIFA-s. Sa i përket ekipeve që bëjnë pjesë në grupin tonë për eleminatoret e Euro 2016, vetëm Portugalia pozicionet më mirë se ne, duke mbajtur vendin e gjashtë.

Danimarka, e cila është e dyta në renditjen në grup qëndron në vend të 25-të. Serbia mban vendin e 66-të, kurse Armenia në vend të 88-të. Serbët janë akipi që kanë humbur më shumë pozicione duke zbritur plot 23 vende nga renditja e muajit korrik. Ky rezultat për ekipin tonë vjen pas fitores me Francën dhe marrjes së tre pikëve nga Gjykata Sportive për ndeshjen me Serbinë.

Arritjen historike të Shqipërisë e ka përshëndetur edhe presidenti i Federatës Shqiptare të Futbollit, Armand Duka.

“Sot jemi vendi i 22-të në botë. Jam shumë i lumtur me këtë arritje të futbollit tonë. Falenderoj të gjithë bashkpuntorët, lojtarët dhe tifozët. Ky sukses na takon të gjithëve. Krenar me këtë kombëtare. Urime të gjithëve”,- shkruan Duka në Facebook. Meritë të madhe në këtë arritje ka padiskutim edhe trajneri italian, Gianni De Biasi, i cili rinovoi ekipin me futbollistë të rinj.