Rekord në tri dekada, rriten investimet e huaja

Investimet e huaja kanë kapur vlerën më të lartë në tri dekada. Të dhënat nga Banka e Shqipërisë tregojnë se në 9-mujorin janar-shtator vlera e parave të investuara nga jashtë vendit arriti në 984 milionë euro, duke u rritur ndjeshëm në raport me vitet e shkuara.

Pjesa më e madhe e këtyre investimeve kanë shkuar për blerje pronash nga shtetas të huaj, ndjekur nga investimet në industrinë nxjerrëse, sektorin energjetik, industrinë përpunuese dhe tregun e sigurimeve.

Për përfaqësues të investitorëve të huaj, ka ardhur koha që Shqipëria të punojë në drejtim të diversifikimit të sektorëve ku të huajt investojnë.