Reshje shiu dhe dëbore në Elbasan, zinxhirët në automjete të domosdoshëm për qarkullim

Qarku Elbasan që nga pasditja e djeshme e gjatë orëve të mbrëmjes është përfshirë nga reshje shiu e dëbore në lartësi.

Nga raportimet e strukturave të Emergjencave Civile në bashki rezulton situatë nën kontroll. Akset rrugore janë të hapura. Ka pasur prezencë inertesh në aksin Gramsh-Moglice. Prezencë dëbore kemi pasur në aksin Elbasan-Gjinar ku në orët e para ka krijuar pak problematika në qarkullim, por tani rruga është e hapur. Lëvizje me zinxhirë kryhet në rrugët e fshatrave që lishen me Nj.A Labinot Mal bashkia Elbasan dhe ne segmentin Lunik-Klenje të aksit rrugor nacional Librazhd-Sterbleve.

Nuk kemi probleme me prurjet e lumenjve e përrenjve në qark.

Furnizimi me energji elektrike paraqitet pa probleme.