Reshje shiu dhe shtrëngata, ja si do jetë moti sot

Vranësira të shpeshta dhe reshje shiu të karakterit lokal do të paraqiten në orët e para të ditës, ku me karakter shtrëngatash do të jenë në zonat juglindore dhe në ekstremin verior.

Pasditja dhe orët e mbrëmjes dominohen nga alternime kthjellimesh dhe vranësirash të shpeshta në veri dhe qendër, por në rajonin jugor mbeten prezent vranësirat e dendura dhe reshje lokale.

Sipas MeteoAlb, temperaturat e ajrit rriten në mëngjes dhe në mesditë duke luhatur vlerat ekstremale ditore nga 5°C deri në 24°C.

Era do fryjë mesatare me shpejtësi 35 km/h nga drejtimi Juglindor duke krijuar në det dallgëzim 3-4 ballë.