Retorika e Ramës, Nishani: Studentët kapën shah mat gënjeshtrat

Ish-presidenti i Republikës, Bujar Nishani ka komentuar retorikën e kryeministrit Edi Rama bazuar tek protesta e studentëve.

Ai gjithashtu përmes një statusi në rrjetin social “Fcaebook” shkruan se studentët nuk kanë hedhur as grushte, as hunj, por kanë bërë një lëvizje taktike, të cilën e pagëzon me emrin “Shah Mat”.

“Gjuha dhe fjalori i një Kryeministri në Parlament : ”shuplakë qeverisë”, …….“grusht opozitës” ……. etj etj.Ky është identikiti i Kryeministrit të Shqipërisë.Profili dhe psikika e dhunës, e hurit dhe litarit. Në fakt një “shok” e “mik” i të “fortëve”, i të dhunëshmëve, përdhunuesve, grabitësve, xhahilëve nuk mund të ketë dhe posedojë gjuhë tjetër, fjalor tjetër, formim tjetër, kulturë tjetër.

Ai mund të mendojë, flasë e shfaqet vetëm si ata.Studentët nuk kanë hedhur as grushta, as shpulla e as shkelma.Thjesht kanë një lëvizje “shah mat” ndaj modelit të gënjeshtrës, fasadës së kalbur, propagandës mjerane, talljes me dinjitetin, shkeljes së integritetit, prodhuar prej identikitit të xhahilit”, shkruan ai.