Revolta e qumështit/ Rimbursimi i TVSH-së, Zusi: Korrigjon përkohësisht problemin

Pas vendimit të ministrit Bledi Çuçi për rimbursimin e TVSH-së, në një deklaratë për mediat Alban Zusi, nga këshilli Agrobiznesit u shpreh se masa e ministrit korrigjon përkohësisht problemin e fermerëve.

Alban Zusi: Përshëndesim vendimin e qeverisë dhe të Ministrisë së Bujqësisë që pas 4 mujash përpjekje ofroi një zgjidhje të përkohshme për sektorin e qumështit, pas problematikës së krijuar pas kompensimit të rimbursimit të TVSH-së për produktet primare bujqësore nga 20% në 6%. 

Problemi qëndron i njejtë, ndonëse nuk është shfaqur i njëjtë për të gjithë sektorët e tjerë si mishi, fruta-perimet, ulliri, etj. Jini të bindur që kjo masë që korrigjon përkohësisht dhe vetëm për një segment të prodhimit bujqësor problemin e shfaqur dhe madje ka pritshmëri të ketë ndikim pozitiv në formalizimin e këtij sektori.”