Rezar Taçi sulmon Lapsin: Bushati dhe Shkullaku majëthyer që të fusin dorën në xhep

Rezar Taçi presidenti de facto i klubit të futbollit të parmës të cilin ai e ka blerë përmes një shoqërie ruso qipriote sipas shtypit Italian ka reaguar sot kundrejt lapsi.al duke i konsideruar drejtuesit e faqes sonë si gjobëvënës dhe shtrëmbrues të së vërtetës. Ai i referohet një lajmi të huazuar nga mediat italiane duke pretenduar se largimi prej tij për shkak të mospagesës së 7 muajve pagë, nuk është i vërtetë: “Shkrimi me titull “Taçi largon Cassanon nga Parma. Nuk i jep parate”, postuar në 27 janar në web-in e drejtuar prej çiftit Bushati – Shkullaku, jo vetëm që nuk ka lidhje me të vërtetën, por është antipod i saj.

Në respekt të publikut dhe për shkak të përfshirjes së emrit tim në një shkrim ku shpifja nis që nga titulli, po bëj atë që autorët e këtij shkarrashkrimi kanë preferuar ta shtrembërojnë qëllimisht.

Futbollisti Italian Antonio Cassano në një intervistë për programin e mirënjohur sportiv “Tiki  Taka” të “Italia 1”, është shprehur se ka rreth 7 muaj pa marrë pagesën, ndërkohë që dhe të tjerë kanë mbi një vit që nuk janë paguar nga ekipi i Parmës, nga drejtuesit e mëparshëm të këtij klubi. Cassano thotë gjithashtu se nuk i njeh aksionerët e rinj dhe se është zhgënjyer nga ata të vjetrit.   Në asnjë moment sulmuesi Italian Antonio  Cassano nuk ka përmendur emrin  Rezart Taçi, siç bëjnë autorët e shkrimit të sipërcituar» thotë Taçi.

Por në fakt kjo është vetëm një pjesë e së vërtetës. Duke qenë se ai është pas blerjes së Parmës dhe se Kasano e ka prishur kontratën më këtë klub për mospagesë, a nuk është e qartë se pronarët e rij, që kanë marrë përsipër edhe borxhet e administratës së mëparshme, po të donin e mbanin Kasanon ? Pra thjeshtë ata nuk e kanë njohur borxhin dhe e kanë shtyrë sulmuesin e njohur drejt largimit.

Por, ajo që e ka nxehur ish pronarin e «Armos» dhe të kompanisë Taçi Oil, nuk është ky interpretim i drejtë faktesh. Por një artikull tjetër i sapo botuar nga Lapsi.al. Tek ky artikull (lexo me poshte) , i cili i referohej të dhënave të “Quotidiano di Parma”, lëshohej alarmi për të ardhmen e skuadrës së qytetit, sepse aty jepej me fakte se taçI është një profesionist borxhesh dhe ai ka problem të mëdha me tatimet në Shqipëri. Fakti se këtë shkrim e botoi vetëm Lapsi.al, në mediat shqiptare nuk e bën atë një media gjobëvënëse, përkundrazi hedh hije dyshimi për ata që nuk e botuan. Gazeta e Parmës në mënyrë të përmbledhur shkruante se ajo që e bën edhe më të dyshimtë gjendjen e klubit të Parmës është fakti se Taçi njihet, si një njeri që nuk i paguan borxhet. Ajo ka hetuar dhe ka arritur të nxjerrë se Taçi Oil është një nga 114 shoqëritë shqiptare për të cilat drejtoria e tatimeve ka klërkuar shpalljen e falimentit për mospagim taksash. Pikërisht në këtë shoqëri, bën pjesë edhe Ermir Kodra, i cili është punësuar si këshilltar që në gusht të vitit që shkoi. Po ashtu në listën e borxhlijve të shtetit shqiptar për vitin 2013 është edhe kompania

ARMO që atë kohë posedohej nga Taçi, është Gramozi Oil Compani e Gramoz Taçit,  Anika Mercuria Refinery ku figuron e motra Anika, televizioni Alsat në emrin e ish badigardit Bledar Lilo, La kuarta International, e shënuar në emrin e badigardit tjetërIrgen Selfo.

Pasi bën këtë listë të gjatë “Parma Quotidiano shkruan: “Kalimi i Parmës nga Tommaso Girardi tek Ermir Kodra për llogati të Taçit, mendohej ti jepte më shumë siguri skuadrës emiliane. Por ne nuk ndjehemi ende të qetë”.