PS kryeson me 83 mandate, Shehaj i “shkëput” një PD-së. PSD ngjitet si forca e tretë
Deri në orën 17:00 numëruesit në të gjithë vendin kanë numëruar 2707 kuti votimi nga 5225 që janë në të gjithë Shqipërinë.
Sipas shifrave zyrtare të raportuara nga Komisioni Qendror i Zgjedhjeve, votat në çdo qark të përkthyera në mandate, japin një tablo ku Partia Socialiste kryeson thellë me numër mandatesh.
Kështu socialistët kanë deri tani 83 mandate, ku rezultatin më të mirë e kanë në Tiranë, Fier, Durrës dhe Elbasan.
Nga ana tjetër koalicioni i kryesuar nga Partia Demokratike është me 50 mandate.
Sa i përket partive të reja, PSD-ja e Tom Doshit është forcë e tretë politike në Kuvend me 3 mandate, koalicioni “Nisma Shqipëria bëhet” ka 1 mandat, ndërkohë që Partia Mundësia ka 2 mandate dhe Lëvizja Bashkë 1 mandat.
Partia Socialiste e Shqipërisë (PS) kryeson me 369,650 ose 52.76% vota të numëruara deri tani.
Në vend të dytë qëndron Koalicioni PD-ASHM me 237,906 ose 33.95%.
Partia Socialdemokrate (PSD) renditet e treta me 27,099 ose 3.87%.
Ndërsa te partitë e tjera, rezultatet janë:
Nisma Shqipëria Bëhet (NISMA-SHB): 23,847 ose 3.40%
Partia Mundësia (MUNDESIA): 19,516 ose 2.73%
Lëvizja Bashkë:9,202 ose 1.30%
Koalicioni Euroatlantik (KEA): 8,071 ose 1.13%
Pritet që në orët e ardhshme të qartësohet ndarja përfundimtare e mandateve në Kuvendin e ardhshëm.
Lexoni edhe:
Shefi i OSBE-ODHIR mesazh partive politike: Në media mungesë debatesh mes kandidatëve
Gara e fortë në Tiranë, emrat në listën e hapur nga PS dhe PD që po numërojnë çdo votë
Ish-deputeti Sula: 4 gjëra e kanë varrosur Partinë Demokratike në këto zgjedhje
Sara Mila: PS bëri shah-mat, kundërshtarët ishin zhdukur nga territori
