Rikonstruksion i kabinave nesër – Zonat pa energji elektrike në kryeqytet

Operatori i Shpërndarjes së Energjisë Elektrike njofton se ditën e martë disa zona në kryeqytet do të mbeten pa energji elektrike, për shkak të punimeve në kabina. Punimet do të kryhen në intervalin kohor 09.00-14.00.

“Në vijim të punimeve për rikonstruksionin e kabinave, nesër datë 11 dhjetor do të stakohet energjia në Kabinën “Vasil Shanto 1″, dhe Kabinën “1 Maji”, të nënstacionit Selitë. Pa energji do të mbeten: Rruga “Preng Bibe Doda” pjesërisht, Zona midis rrugës “Njazi Demi” pjesërisht dhe Bulevardi “Bajram Curri” pjesërisht”, thuhet në njoftimin e OSHEE.