Rikthimi i Fatmir Xhafajt në politikën aktive

Bojkoti i opozitës nuk është arsye që dy nismat e PS-së të futen në sirtarët e Kuvendit, në pritje të një dakordësie të mundshme më vonë. Në seancën e kësaj të enjteje, do të votohet përbërja e dy komisioneve të posaçme, ai për anti-korrupsionin dhe dezinformimin.

Emri që përflitej tashmë është fakt që do të drejtojë punën e Komisionit të Posaçëm, për thellimin e reformave, sundimin e ligjit dhe anti-korrupsionin,është deputeti i PS-së Fatmir Xhafaj që ka kryesuar dhe punën e reformës në drejtësi në 2016.

Pas largimit me zhurmë nga posti i ministrit të Brendshëm, por edhe i renditur në fund të listës së socialistëve të Tiranës për zgjedhjet e vitit 2021, rikthimi i Xhafajt në politikën aktive duket se vjen edhe me një mesazh të fshehur, që do të zbardhet gjatë rrugës.