Rreth 200 familje të akomoduara në Shkodër do të zhvendosen në Lezhë

Të gjithë familjet e akomoduara në qarkun e Shkodrës do të zhvendosen në Lezhë.

Vendimi i qeverisë është komunikuar nga prefekti i Shkodrës në mbledhjen e sotme.

“Zhvendosja me urdhër të qeverisë me qëllim që gjithë familjet e zhvendosura nga tërmeti të jenë pranë zonave të tyre të hartës së banimit duke mos u shpërndarë për shkak se është i vështirë menaxhimi i situatës” raportoi gazetari Bepin Kolvataj.

Në të tilla kushte, duke filluar nga dita e nesërme dhe në vijim pritet që këto familje të transferohen në Lezhë aty ku njësitë e akomodimit do të jenë mikëpritese të rreth 200 familjeve që ndodhen prej ditësh në Shkodër.