Rritet numri i fëmijëve shqiptarë që kërkojnë azil. Pre e trafikantëve

Aktualitet E Premte, 30 Prill 2021 22:42

Britania do të marrë masa drastike, për të shenuar kalimin e refugjatëve, kryesisht të fëmijëve të pashoqëruar në territorin e saj. Nga raportimet e medieve, thuhet se plani është për ndërtimin e një muri të lartë në qytetin francez të Calais (Kalèsë). Muri do të ketë një gjatësi prej 1 km dhe do të jetë masa më e fundit antiemigracion, në një sërë syresh, i cili do të kushtojë dy milionë stërlina.

BBC, në bazë të një investigimi të thellë, nënvizohet se grupi më i madh të fëmijëve që kërkojnë azil, janë djem të moshës 16 dhe 17-vjeçare. Nga Shqipëria numri kap shifrën e 706 fëmijëve, krahahasuar me 148 nga Siria.

Zonja Luljeta Nuzi, drejtuese e shoqatës “Shpresa Programme” në Londër, që përmes projekteve të posaçme merret shumë me kujdesin e fëmijëve të pashoqëruar shqiptarë, thotë se këta fëmijë përballen me vështirësi të shumta.

“Jo rrallë ata kanë probleme me shkollat dhe policinë dhe kjo vjen si rezultat i sistemeve të panjohura për ta, si ai i edukimit, emigracionit, punësimit dhe shërbimeve sociale”, shprehet Nuzi.

Gjithashtu. mund të lexoni dhe këtë material, i botuar pak ditë më parë në gazetën “Koha Jonë”, që trajton problematikat që hasin fëmijët shqiptarë, të harruar dhe në mëshirë të fatit.