Safet Gjici bën bilancin 5 mujor: Trashëguam 4.7 mln euro borxhe, këto janë investimet madhore të vitit 2020

Kryetari Bashkisë Kukës Safet Gjici në konferencën për shtyp me gazetarët ka bërë bilanicin 5 mujor të punës së Bashkisë Kukës, që nga koha e drejtimit nga ana e tij.

Gjici është shprehur se në këtë 5 mujor Bashkia Kukës ka bërë menaxhimin e vetvetes pasi nga paraardhësi i tij ka trashëguar 4.7 milionë euro borxhe bashkë me ujësjellësin. Ndërsa sa i përket vitit 2020, kryebashkiaku Gjici bëri të ditur realizimin e disa projekteve pavarësisht situatës së vështirë të krijuar pas tërmetit të 26 nëntorit.

Sipas Gjicit, projektet do fokusohen në infrastrukturë,ku si projekte të medha ai përmendi, ujësjellësin, rrugën e Bjeshkëve dhe ndërtimin e dy pallatave sociale të qytetit të Kukësit, si dhe rikualifikimin urban të tre lagjeve të qytetit të Kukësit.

Gjithashtu sipas Gjicit, së shpejti pritet të bëhet një investim madhor në fushën e turizmit bashkë ku me biznesin do të ndërtohet sipas tij pista e skive në Shishtavec.

Ai deklaroi se këto projekte do të përmbyllen brenda vitit 2020