Lideri historik i PD-së, Sali Berisha e ka cilësuar vendimin e kreut Lulzim Basha “nul”, por për ta kontestuar zyrtarisht do duhet t’i drejtohet nenit 54 të statutit.
“Komisioni shqyrton ankesat nga anëtarët e PDSH-së kundër masave disiplinore të marra ndaj tyre nga secili organ i partisë”. Kjo kërkesë do të shqyrtohet nga komisioni Apelimit, Integritetit dhe Etikës, që drejtohet nga Flutura Açka.
Rruga e dytë që mund të ndjekë Berisha brenda PD-së, do të ishte një mocion mosbesimi në Kuvendin Kombëtar, që duhet të mbështetet nga gjysma e anëtarëve të Këshillit Kombëtar.
Kuvendi Kombëtar mblidhet çdo 4 vjet, ai thirret nga kryetari, kryesia e partisë ose nga ¼ e anëtarëve të Kuvendit Kombëtar.
Pas Kuvendit të zhvilluar më 17 Korrik, Këshilli i ri Kombëtar i Partisë Demokratike përbëhet nga 487 anëtarë. Se cilën nga këto rrugë do të ndjekë Berisha, do të kuptohet në vazhdim.