Salianji kandidat për kreun e PD? Biberaj: Qëndrimi i Berishës duhet të ishte i moderuar

Anëtari i Këshillit Kombëtar të PD, Aleksandër Biberaj e quan qëndrim aspak të moderuar të Berishës ndaj Ervin Salianjit, i cili ka shpallur ambicien për të marrë pjesë në garën për zgjedhjen e kryetarit të PD më 23 maj.

”Unë nuk kam qenë dakord me përjashtimet, ato vendime do ti quaja të gabuara të nxituara, sepse ne sot kemi nevojë më shumë për bashkim se herë tjetër.

PD nuk është e mbyllur, cdo njeri mund të aderojë. Unë di vullnetin e Berishës për hapje të PD se i kemi diskutuar këto cështje dhe është i bindur se PD duhet të hapet, ne kemi nevojë për flukse të reja që të mundim pushtetin i cili është i egër, i ashpër”, tha Biberaj.