Salianji-ministrit Çuçi: OFL-ja u krijua që kriminelët të përfshihen në fushatë

Deputeti demokrat Ervin Salianji, i kërkoi ministrit të Brendshëm, Bledi Çuçi informacion mbi funksionimin e strukturës së posaçme OFL, që sipas tij u krijua për t’i bërë presion të inkriminuarve për të bërë fushatë për Partinë Socialiste.

Ministri mohoi akuzat e Salianjit, teksa deklaroi se struktura ka qenë e paanshme dhe në funksion të ligjit. Çuçi e justifikoi situatën kriminale në vend me mungesën e kulturës së zgjidhjes së konflikteve në vend, ndërsa si shembull mori Partinë Demokratike.

Pjesë e debateve ishte dhe Vetting-u në Polici, të cilën gjithashtu Salianji e sheh si nismë me qëllim presion politik, akuzë e mohuar kategorikisht nga Çuçi.