Sekuestrohet mbi 1 ton kokainë, mediat: Të arrestuarit dyshohet se janë shqiptarë

Një sasi prej mbi 1 ton kokainë u sekuestrua mëngjesin e së shtunës prej departamentit të antidrogës së Mesologjit, në bashkëpunim me DEA-n amerikane.

Sasia e drogës u gjet në një kontenier që kishte mbetur në portin privat të Katakolos.

Deri më tani janë arrestuar disa persona, por ende nuk dihen detaje të lidhura me ngarkesën dhe destinacionin e saj.

Por mediat greke raportojnë se droga ishte fshehur në kabina turistike të zonës, ndërsa ka dyshime se të arrestuarit për ngarkesën në fjalë janë shqiptarë.