Serbia blindon Tiranën, bllokohet edhe tuneli i Elbasanit

Policia e Tiranës ka publikuar planin e masave për garantimin e sigurisë së kombëtares së Serbisë që do të mbërrijë nesër në Tiranë. Duke filluar nga ora 17:00-20:00 datë 07 Tetor 2015, segmenti rrugor, bulevardi “Dëshmorët e Kombit” nga “Ura e Lanës” në sheshin “Skëndërbej” do të qëndrojë i bllokuar për shkak të mbërritjes dhe akomodimit të kombëtares serbe.

Bllokim segmenti përkohësisht do të ketë nga “Rinasi”, “Qafë Kashari”, në autostradën Tiranë-Durrës,si dhe  rruget dytesore ,duke vijuar  te mbikalimi i Kamzës, rruga “Dritan Hoxha”, rruga “29-Nëntori”, rruga e “Durrësit”, bulevardi “Dëshmorët e Kombit”, rruga “Ismail Qemali” deri te rruga e “Elbasanit”

Nuk do të lejohet parkimi i automjeteve dhe nuk do te lejohet kalimi i  kembesoreve  pranë Hotel “Sheraton’’  dhe  Univeristetit të Arteve si dhe nuk do te lejohet parkimi i automjeteve  në sheshin “Italia”.

Bllokimi do të vazhdojë në të gjitha segmentet të cilat lidhen me Hotel “Sheratonin”.

Në datë 08 Tetor 2015, nga ora 12:00-19:00, do të bllokohet segmenti rrugor nga rruga “Dervish Hima”, rruga e “Elbasanit”, tuneli i Elbasanit ku nuk do të lejohen kalimi  mjeteve deri në përfundim të aktivitetit sportiv në qytetin e Elbasanit.

Drejtoria e Tiranes, kërkon  mirëkuptimin e drejtuesve të mjeteve dhe gjithë përdoruesve të rrugës të shmangin kalimin në segmentet e përcaktuara si edhe të përdorin aksin rrugor nga autostrada për te mberritur ne qytetin e  Elbasanit.