Sërish PS shtyn votimin për Magjistraturën, edhe për Kodin Rrugor

Edhe këtë të enjte, maxhoranca shtyu votimin për ligjin e Shkollës së Magjistraturës, edhe për Kodin Rrugor, pasi deputetët e opozitës u larguan nga salla e Kuvendit.

Opozita la sallën pasi kreu i grupit parlamentar të PD-së, Edmond Spaho, kërkoi përsëritjen e votimit të ligjit për Teatrin Kombëtar.

Në këto kushte, kryetari i grupit të PS-së, Taulant Balla, propozoi që dy projektligjet të shtyhen për seancën e 23 korrikut.