SHBA krah Shqipërisë, USAID dërgon inxhinierë për vlerësimin e dëmeve të tërmetit

Ambasada Amerika njoftoi se USAID solli dje në Shqipëri inxhinierë që do të ndihmojnë në vlerësimin e dëmeve në godina dhe infrastruktura.

Inxhinierët janë pjesë e Departamenteve të Zjarrfikëseve të konteve Fairfax dhe Los Angeles.

Ekipi i inxhinierëve do të ndihmojë në përcaktimin e shtëpive, shkollave dhe ndërtesave të tjera që janë të sigurta për rikthimin e njerëzve.

Ata u dërguan në vendin tonë si pjesë e mbështetjes SHBA për rimëkëmbjen Shqipërisë nga tërmeti.

“USAID ka dërguar dje inxhinierë strukturash nga Departamentet Zjarrfikëse të konteve Fairfax dhe Los Angeles, të cilët do të ndihmojnë në vlerësimin e dëmeve në godina dhe infrastruktura, si pjesë e mbështetjes së qeverisë së Shteteve të Bashkuara për rimëkëmbjen nga tërmeti. Ky ekip do të ndihmojë në përcaktimin e shtëpive, shkollave dhe ndërtesave të tjera që janë të sigurta për rikthimin e njerëzve,”-shkruan Ambasada e SHBA.

Ndërsa e mbylli postimin me hashtagun #ShbaQendronKrahShqiperise.