Shembet pallati “arkivol”, mes viktimave edhe fëmijë

Një ndërtesë me apartamente është shembur në qytetin Recife në verilindje të Brazilit, duke vrarë të paktën tetë persona, thonë ekipet e shpëtimit.

Dy fëmijë, pesë dhe tetë vjeç, ishin mes viktimave kur blloku u shpërbë të premten.

Shkaku nuk ishte menjëherë i qartë, por Recife është goditur nga shiu i madh ditët e fundit.

Raportet thonë se katër persona janë nxjerrë të gjallë nga rrënojat dhe gjashtë janë ende të zhdukur në lagjen Janga.

Shembja ndodhi në një zonë periferike të Recifes. Banorët e kësaj lagjeje i konsiderojnë pallatet katërkatëshe si “blloqe arkivoli”, duke u ankuar për cilësinë e dobët të ndërtimit, raporton BBC.

Zyrtarët thanë se ndërtesa u shemb rreth orës 06:35 me orën lokale të së premtes (09:35 GMT), kur shumë banorë do të ishin fjetur.

Globo news thotë se mes viktimave gjendej edhe një nënë 43-vjeçare dhe djali i saj 19-vjeçar.

Guvernatori lokal tha të premten se priten më shumë shi dhe se njerëzit duhet të shkojnë që të sigurohen në struktura të sigurta.